«Табиғи монополиялар және реттелетін нарықтар туралы» Қазақстан Республикасы Заңының 7-бабының 10) тармақшасына сәйкес, табиғи монополия субъектiсi Қазақстан Республикасының заңдарында белгiленген тәртiппен негiзгi құралдарға қайта бағалау жүргiзудi уәкiлеттi органмен келiсуге міндетті.

Қазақстан Республикасы Табиғи монополияларды реттеу агенттігінің 2005 жылғы 21 шілдедегі №226-НҚ  «Негiзгi құралдарға табиғи монополиялар субъектiлерiнiң қайта бағалау жүргiзу» бұйрығымен бекітілген ережесінің (бұдан әрі – Ереже) 12 тармағына сәйкес, Ереженiң 4-тармағында баяндалған негiздер бойынша қайта бағалау жүргiзу қажеттiгi пайда болған жағдайда, Субъектi негiзгi құралдарға қайта бағалау жүргiзу келiсiмiн алу үшiн уәкiлеттi органға негiздеушi материалдарды жолдайды.

Алайда, Заңның және Ереженің нормаларын бұза отырып, «Астанаэнергосбыт» ЖШС уәкілетті органның келісімінсіз негізгі құралдарға қайта бағалауды жүргізген.

Осыған орай, әкімшілік құқық бұзушылық ісін қарастырып, Департамент «Астанаэнергосбыт» ЖШС-ін 2000 айлық есептік көрсеткіш, яғни сомасы 2 826 000 (екі миллион сегіз жүз жиырма алты мың) теңге көлемінде айыппұл салу түрінде әкімшілік жауапкершілікке тартты.